मनस्पर्श

तुझी काळजी मला हवीहवीशी वाटते पण त्यामागे असलेलं तुझं प्रेम नकोय मला कारण आपल्यामध्ये कदाचित सगळ्या भावना असतील पण ते 'प्रेम' नसेल मी तुझ्यासोबत हसेन, तुझ्यासोबत रडेन तुझ्या आनंदात उड्या मारेन, तुझ्या दुःखात तुला मिठीत घेईन पण... हे फक्त मैत्री म्हणून असेल कारण आपल्यात सगळं असेल पण ते प्रेम नसेल तुझ्यासोबत दिवसभर गप्पा मारेन, तुला जे मला सांगायचे आहे ते सगळं ऐकेन तुला माझ्या सगळ्या अडचणी सांगेन, माझे प्रश्न सोडव म्हणून तुला भंडावून सोडेन पण... याला तू माझी मैत्री समज प्रेम नको कारण आपल्यात सगळं असेल पण ते प्रेम नसेल तू मला म्हणशील आपण 'परफेक्ट' आहोत ग ! मी पण याला दुजोरा देईन तू मला म्हणशील आपण 'बेस्ट कपल गोल' सेट करू ! मी त्याला नकार देईन पण... तो नकार तुझ्या प्रेमाला असेल आपल्या मैत्रीला नाही कारण आपल्यात सगळं असेल पण ते प्रेम नसेल तू म्हणशील माझ्यात काय कमी आहे ? तू माझ्या प्रेमाला का नाकारतेयस रडण्याला माझा खांदा आणि हसून टाळी देण्यासाठी माझा हात वापरतेयस मग तोच हात घट्ट पकडू दे कधीही न सोडण्याच्या निश्चयाने, विश्वास ठेव एकदा पूर्ण मनाने ...